रत्ननगर । कतारमा जारी राइजिङ स्टार्स एसिया कपमा नेपालले आफ्नो दोस्रो खेलमा यूएईविरुद्ध टस जितेको छ। नेपाली कप्तान सन्दीप लामिछानेले टस जितेर पहिले बलिङ गर्ने निर्णय गरेका छन्।
नेपालले पहिलो खेलमा भारतसँग २६ रनमै अलआउट हुँदै हार बेहोरेको थियो भने यूएई पाकिस्तान शाहिन्ससँग पराजित भएको थियो।
नेपालको यो १००औँ एकदिवसीय अन्तर्राष्ट्रिय (ओडीआई) खेल हो। हालसम्म ९९ खेल खेलेको नेपालले ४९ जित, ४७ हार, एक बराबरी र दुई खेलमा अनिर्णीत नतिजा बेहोरेको छ।
यूएईविरुद्धका २० खेलमध्ये नेपालले १२ जित र ८ हार बेहोरेको छ। आजको खेल जिते नेपालले आफ्नो ऐतिहासिक १००औँ ओडीआईलाई ५०औँ जितसँगै यादगार बनाउन सक्नेछ।