ब्रेकिङ न्यूज

रामु आचार्य।रत्ननगर । चितवनको रत्ननगर नगरपालिका वडा नम्बर १२ को आयोजनामा विजयादशमी, शुभ दीपावली, छठ तथा नेपाल संवत्‌को अवसरमा शुभकामना आदानप्रदान कार्यक्रम सम्पन्न भएको छ। कार्यक्रममा वडाले पछिल्लो साढे चार वर्षमा गरेका विकास निर्माण तथा अन्य गतिविधि समेटिएको वृत्तचित्र प्रसारण गर्नुका साथै बाल क्लब तथा विद्यालयलाई खेलकुद सामग्री वितरण र वडाको विकासमा योगदान पुर्‍याउने व्यक्तित्वहरूलाई सम्मान गरिएको छ। हेल्प सोसाइटी, जमुनापुरमा आयोजित कार्यक्रममा रत्ननगर–१२ का वडाध्यक्ष सुन्दरमणि सुवेदीले अध्यक्षता गर्नुभएको थियो। फरक क्षमता भएका तथा सामाजिक कार्य र शिक्षाको क्षेत्रमा सक्रिय स्थानीय बासिन्दा रुद्रप्रसाद पन्त प्रमुख अतिथि रहनुभएको कार्यक्रममा साविक वडा नम्बर ११ का संस्थापक वडाध्यक्ष तथा रत्ननगर–१२ का निवर्तमान…

रत्ननगर । श्री पञ्चकन्या सामुदायिक वन उपभोक्ता समूहको २२औँ वार्षिक साधारण सभा चितवनको रत्ननगर नगरपालिका–११ स्थित मणिखोला पार्कमा सम्पन्न भएको छ। सभाले वन संरक्षण, पर्यटन प्रवर्द्धन, फोहोर व्यवस्थापन तथा स्थानीय विकासका विषयलाई प्राथमिकतामा राखेको छ। कार्यक्रमका प्रमुख अतिथि रत्ननगर नगरपालिकाका नगर प्रमुख प्रलाद सापकोटाले पञ्चकन्या सामुदायिक वन क्षेत्रमा रहेका तालहरूको संरक्षण र सदुपयोग गर्न सके रत्ननगरको समृद्धिमा महत्त्वपूर्ण योगदान पुग्ने बताउनुभयो। उहाँले पर्यटकीय सम्भावना बोकेका क्षेत्रको विकास गर्दै होमस्टेको अवधारणा अघि बढाउन सकिने धारणा राख्नुभयो। साथै, फोहोर व्यवस्थापनमा सबै एकजुट हुनुपर्नेमा जोड दिँदै भूमिहीन सुकुम्बासीको समस्या समाधानमा अधिकांश स्थानमा वन र सिंचाईको जग्गा देखिएको हुँदा समस्या समाधानमा पहल गर्न डिभिजन…

रत्ननगर । श्रीकृष्ण जन्माष्टमीको अवसरमा रत्ननगर–१० टिकौलीस्थित श्रीकृष्ण प्रणामी मन्दिर वृजधाममा आज बिहानैदेखि भक्तजनको घुइँचो लागेको छ। श्रीकृष्ण जन्माष्टमी मनाउन चितवनसहित विभिन्न स्थानबाट आएका भक्तजनहरू बिहानैदेखि मन्दिरमा पुगेर श्रीकृष्णको दर्शन तथा पूजाआजामा सहभागी भइरहेका छन्। मन्दिर परिसरमा दिनभर नै भक्तजनहरूको चहलपहल बढेको छ। दर्शन तथा पूजाआजाका लागि आउने भक्तजनको संख्या साँझपख थप बढेको आयोजकले जनाएको छ। जन्माष्टमीको अवसरमा स्थानीयस्तरमा रहेका विभिन्न भजन समूहहरूले दिनभर भजन प्रस्तुति दिएका छन्। संस्थाका धार्मिक उपाध्यक्ष जगदीशचन्द्र बरालका अनुसार जन्माष्टमीको अवसरमा मन्दिर परिसरमा विशेष पूजाआजा, भजन–कीर्तन तथा विभिन्न धार्मिक एवं सांस्कृतिक कार्यक्रम सञ्चालन भइरहेका छन्। भक्तजनहरू भजन–कीर्तनमा सहभागी हुँदै श्रीकृष्णको आराधना गरिरहेका छन्। भक्तजनहरूको सहजताका…

रत्ननगर, चितवन । रत्ननगर नगरपालिका–१२ मा रहेको शान्तिकुञ्ज सामाजिक उद्यमी महिला सहकारी संस्था लिमिटेडले प्राकृतिक विपद्बाट प्रभावित नागरिकको राहत तथा उद्धारका लागि प्रधानमन्त्री दैवी प्रकोप उद्धार कोषमा ८१ हजार १ सय ११ रुपैयाँ सहयोग गरेको छ। देशका विभिन्न स्थानमा बाढी, पहिरो तथा अन्य प्राकृतिक विपद्का कारण ठूलो जनधनको क्षति भइरहेका बेला पीडित नागरिकको राहत तथा पुनःस्थापनामा सहयोग पुगोस् भन्ने उद्देश्यले सहकारीका सञ्चालक समिति, उपसमिति, संस्थापक अध्यक्ष तथा कर्मचारीहरूले तीजमा हुने खर्च कटाएर उक्त रकम संकलन गरेका हुन्। संकलित ८१ हजार १ सय ११ रुपैयाँ प्रधानमन्त्री दैवी प्रकोप उद्धार कोषमा जम्मा गरिएको सहकारीकी अध्यक्ष निर्मला दंगालले जानकारी दिनुभयो। विपद्को समयमा पीडित…

चितवन । पुरुषोत्तम दुवाडी र प्रमिला दुवाडीको तीज कोशेली ‘माईतीको सम्झना’ सार्वजनिक भएको छ। नेपाली महिलाहरूको महान् पर्व हरितालिका तीजलाई लक्षित गर्दै तयार पारिएको गीतमा परदेशिएकी चेलीले गर्ने माइतीको सम्झना, चेलीका भावना र तीजको सांस्कृतिक पक्षलाई समेटिएको छ। गीतमा समीक्षा अधिकारीको स्वर रहेको छ भने पुरुषोत्तम दुवाडीको शब्द र पुरुषोत्तम दुवाडी तथा जेबी ओलीको संगीत रहेको छ। थेगो उपेन्द्र दुवाडीको रहेको गीतलाई यम थापाले एरेन्ज गरेका छन्। गीतको रेकर्डिङ सुमन राना मगरले गरेका हुन् भने मिक्सिङ तथा मास्टरिङ पनि कुमार राना मगरले गरेका छन्। गीतको रेकर्डिङ मारुनी डिजिटल स्टुडियोमा गरिएको हो। ‘माईतीको सम्झना’को भिडियोमा रेजी बस्नेत, कमल अर्याल, तारा अर्याल…